ТОО КазРосГаз.

Қаз Рус
Компания туралы ҚызметіӘлеуметтік саясатБаспасөз орталығыБайланыстарCатып алулар
Басты / Баспасөз орталығы / Жаңалықтар

ҚазТрансГаз Қытайға газ экспортын ұлғайтуда

ҚазТрансГаз Қытайға газ экспортын ұлғайтуда  

 

Астана қ.                                                                                                      2018 ж. 15 қазан                                             

2018 жылғы 12 қазанда Пекин қ. «ҚазТрансГаз» АҚ мен «PetroChina International Company Limited» компаниясы арасында 2019 жылдан бастап жылына 10 млрд. текше метрге дейін қазақстандық газ экспортын арттыру туралы ұзақ мерзімді 5 жылдық келісімшартқа қол қойылды.  

Бұған дейінгі 5 млрд текше метр газ экспорты жөніндегі бірінші келісім толық көлемде орындалды.

Тараптар бірлесіп атқарылған жұмысты және Қазақстанның газ тасымалдау жүйесінің технологиялық мүмкіндіктерін жоғары бағалады.

«Отандық газдың экспортын екі есеге арттыру елдің транзиттік әлеуетін дамыту жөніндегі Қазақстан Президенті Нұрсұлтан Назарбаевтың стратегиясының және екі мемлекет басшылары қол қойған Келісімнің арқасында мүмкін болып отыр»,- деп атап өтті «ҚазТрансГаз» АҚ Директорлар кеңесінің төрағасы Қайрат Шәріпбаев.

Келісімшартқа қол қоюға Үкімет пен «ҚазМұнайГаз» Ұлттық компаниясының тыңғылықты дипломатиялық жұмысы, сондай-ақ қазақстандық газ тасымалдау жүйесінің жүйелі жаңғыртылуы себеп болды.   

Жақын уақытта «Бейнеу-Бозой-Шымкент» магистралдық газ құбырының өткізу мүмкіндігін жылына 10 млрд. текше метрден 15 млрд. текше метрге дейін ұлғайтуға мүмкіндік беретін жоғары технологиялық үш компрессорлық станция пайдалануға берілмек. Осылайша біз қазақстандық газ құбырларының өткізу мүмкіндіктерін арттырып жатырмыз. Біз еліміздің ішкі қажеттіліктерін толық қамтамасыз етеміз және газ экспортын арттыруға қауқарлымыз. Алдын-ала мәліметтерге сәйкес, Қытайға экспортталатын газ көлемін 10 млрд. м3 көбейту арқылы елімізге 2 млрд. доллардан астам валюталық түсім түседі», - деді Қайрат Шәріпбаев. 

Ұлттық оператор түскен табыс есебінен отандық газ тұтынушыларын қолдауға, 560 млрд. теңге көлеміндегі кредиттік портфельге қызмет көрсетуге, өзінің ресурстық базасын арттыруға және газ тасымалдау жүйесін одан әрі жаңалауды жалғастыруға мүмкіндік алады.

«ҚазТрансГаз» АҚ 2018 жылдың 9 айындағы қызметінің қорытындысы бойынша, 693 млрд. теңге пайда түсірді. Компаниялар тобының шоғырландырылған таза пайдасы 118,6 млрд. теңгені құрады, бұл өткен жылғы осы кезең көрсеткішінен 72,4 млрд. теңгеге немесе 156% жоғары. 

Бүгінде «ҚазТрансГаз» АҚ еліміздің ең ірі салық төлеушілерінің қатарында. Акционерлік қоғам 2018 жылы салық және өзге де төлемдер ретінде мемлекет бюджетіне 52,4 млрд. теңге аударды. Компания 20 мың адамды жұмыспен қамтамасыз етіп отыр.

Қазақстандық газды тасымалдау туралы Қытай тарапымен жасалған келісімшарт отандық газ саласының дамуының жаңа дәуірінің бастамасы болмақ. 

16 қазан 2018 | Жаңалықтар
Компания туралы 
Қызметі
Әлеуметтік саясат
Баспасөз орталығы
Байланыстар
Cатып алулар

Сайт разработан в A13 WebLab
Powered by LeeSa™ CMS